يوميات عائلة شحيبر

مدام شحيبر وحماتها

هى وحماتها
تررررررررررن

*آلو
-سلا م عليكم ياشحبورة كل سنة وانتى طيبة يابنتى
*وعليكم السلام يا طنط وانتى طيبة
-بأقول إيه لو شحيبر كلمك من الشغل قوليله يمر عليا وهو مروح ضرورى

 .يأحاول أتصل بيه مش عارفة.
-خير ياطنط فيه إيه.
-أبدا كنت عاوزاه يصرف لى روشتة من الأجزخانة.
-هأقول له لما ييجى أو لو إتصل أصله ما لوش عادة يتصل من الشغل .
- كتر خيرك يا بنتى

-إلتفتت شحبورة لجارتها والتى كانت جالسه معها
-هو إحنا ناقصين والله ده المرتب ما بيكفيش حاجة

 كمان هنشترى دواء لأمه وإشمعنى هو ده إخواته كل واحد ماشاء

 الله ربنا فاتح عليه اللى ما حد منهم حط فى عينه حصوة ملح وعمل لها حاجة

 ما تجيش غير على الغلبان اللى عمره ما قال لأ
.
-ياشحبورة ما تنسيش البركة واللى مالوش خير فى أهله مالوش خير فى حد .
-خير ده خيره كله لأهله أنا بقالى سنتين ما غيرتش حذائى لحد مابقيت أتكسف أخرج بيه. .
-ياشحبورة ما تبقيش ناكرة للجميل ده على يدى شحيبر بيبديكى على نفسه

عمره ما إشترى حاجة لنفسه غير لما جابلك قبله .ودى أمه .فاهمة يعنى إيه أمه
-آه فاهمة وياريته بيتمر فيها إلا كل ما تشوفنى تسمم بدنى
–شحيبر شكله تعبان يا بنتى ريحيه خللى بالك منه عمرها ما نصفتنى ولا قالت فى حقى كلمة حلوة.
-شحبورة مهما كان إتصلى بزوجك وقوليله يعدى عليها وهو راجع أنا نصحتك وأمرى إلى الله .
-ربنا يسهل
------------ إنصرفت الجارة

شحبورة وقفت تغسل الأطباق وهى فى حالة من الإنفعال والغضب تسمع
صراخ أولادها يا مااااااااااااااااااماااااااااا

فيييييييييييييييييه إييييييييييييه
مالك أنت وهى
-ياماما أحمد كان بيلعب فى الأدوية
-يتلعب ليه فى الأدوية يا أحمد
-بأحوشها يا ماما من دلوقتى عشان لما أكبر
-هتعمل بيها إيه لما تكبر
-أصلى أنا بحبك يا ماما وخايف لما أتجوز مراتى مترضاش تخللينى
أجيب لك الدواء فبحوشه من دلوقتى عشانك

إنهارت شحبورة على الكرسى ومدت يدها للتلفون بسرعة

آلو شحيبر عدى على مامتك ضرورى وانت راجع إوعى ماتروحش

 لو مش هاتقدر اروحلها انا دى حاجة مهمة جدا
ضمت ولدها الى صدرها وإنهمرت دموعها بينما تتمتم
رب إنى ظلمت نفسى فاغفر لى .