عبد الأول مافى معلوم

عبد الأول مواطن بنجلاديشى من العالم الرابع مطحون مثله مثل كل مواطنيه

أكرمه الله بعقد فى المملكة العربية السعودية منتهى أمله أن يحج بيت الله

عبد الأول يعمل فى شركة نظافة المستشفيات ويعمل بشكل غير رسمى فى غسيل سيارات الأطباء

ليس عنده وقت ليعرف أخبار العالم ولا لرفاهية الفضائيات
فى يوم اتاه صوت قريبه على هاتفه المحمول
كاراكا مالابالا ماهندى طاطا (بنجلاديشى)
الترجمة
واد ياعبد الاول انا ابن عمك يالا عامل ايه عندك
اهى ماشية انت بتتكلم منين
من بغداد
فين بغداد دى انت مش كنت فالكويت
ايوة ماهى الشركة بتشغلنا هنا فى العراق
مبسوط
إ الامبسوط ده هنا الفلوس بالهبل
يعنى إيه بتاخد كام
كتير جدا انت بتاخد كام
انا باخد 300 من الشركة وباقلب رزقى من غسيل العربيات اعمل لى ييجى ألف
فى الشهر
إمال فالأسبوع
لأ ده إنت بتهجص بقى ده أنا لو لعبت فمناخيرى أجيبهم فى يوم
يخرب بيتك بتتكلم جد
أمال هزار
هنا ياإبنى لقمة طرية فى خدمة الأمريكان
أمريكان وفيهم حريم يالا
أمال إيه وأى حريم يابا
عاوزين أنفار
أمال باكلمك ليه ياقفل عاوزين طبعا
أبعتلك ورق
لا تعال على الكويت وأنا أتكفل بالباقى
سلام
أغلق عبد الأول هاتفه وسرح يحلم بجنة الأمريكان فى الأرض والفلوس اللى بالهبل
عبد الأول ليش مافى خلاص سيارة
أنا مايبغى مافى غسيل سيارة خلاص
تعجب زوجى وقال فى نفسه لعل الهاتف حمل له خبرا سيئا
فى اليوم التالى دب عبد الأول خناقة مع مديره لرب السماء
يريد أن يستقيل قبل نهاية عقده والشركة ترفض قبول الإستقالة إلا بعد تنازله عن مكافأة نهاية الخدمة

 بعد خدمة 4 سنواتطلب من زوجى التوسط
فيه إيه ياعبد الأول
أنا فى صديق أخو بابا فالكويت فى كلام سغل كويس نامونا زين بيزات وايد
والله ربنا يوفقك بس خسارة إنت لسه ماحجيت
مافى مسكلة دكتور بيزات كتير كله كويس
أوكى سيبلى يومين أشوفلك الموضوع مع الشركة
بعد يومين توصلنا مع الشركة لحل وسط بتنازله عن نصف مستحقاته وقبض النصف الآخر
عبد الأول ترك العمل إستعدادا للرحيل
وهو يشترى لوازمه من السوق لفت نظره فى النشرة صورة عدد من الرهائن

من بينهم وجه مألوف لديه
لم يفهم ماذايجرى
هاتف قريبه لم يرد
هاتف أهله وكانت الصدمة قريبك مخطوف رهينة لدى المقاتلين العراقيين لأنه يتعاون مع الأمريكان
هرول إلينا عبد الأول
دكتور أنا فى خراب بابا فى موت ماما فى موت
أختى مسكين كلام شركة رجع عبد الأول أنا مايبغى روح خلاص
فيه إيه ياإبنى
ماما فى كلام جنجال فى العراق مافى روح قريب مال أنا فى كلابوش
هو أنت ياعبد الأول ماكنتش عارف الفرق بين الكويت والعراق

 ولا عارف اللى بيحصل فى العراق
لا بابا أنا مافى معلوم
بدون دفاع عن عمليات الخطف هى وسيلة من وسائل اللى مافى معلوم يبقى معلوم