ليه ياكتكوت ليه زعلان من بابا ليه
إجتمع الأصدقاء الخمسة كعادتهم ولكن
اليوم كان الإجنماع فوق العادة
إجتماع مخصوص لمناقشة أحوال الأبهات اللى بقت تفقع المرارة ووجوب الوقوف فى
وجه ديكتاتوريتهم
وعنفهم
افتتح الجلسة مونى
عبد الرحمن 22 سنة فى سنه هذا كان يفترض ان يكون منتهى من دراسته
ولكنه سقط مرة ثانوية عامة ولمانجح جاب مجموع زبالة ودخله ابوه كلية بالفلوس
ودى تالت سنة له فى سنة اولى
إخوانى بإسم كل الأبناء المضطهدين أفتتح جلسة محاكمة الآباء غيابيا نظرا
لانهم مش فاضيين ييجو
ولانهم
عالم خنيقة مش هيسمحولنا نتكلم براحتنا
مطلوب من كل واحد يقدم شكواه من ابوه
الكلمة لك ياعمدة
عماد 20 سنة طالب فى كلية الهندسة اكبر اخواته ولد واحد على 3 بنات يعمل والداه بالخارج
يقيم وحده فى شقة طويلة عريضة مجهزة بأفضل الإمكانيات سقط إعدادى ثم دخل اسوأأقسام الكلية
وهذا العام سقط للمرة الثانية فى كل مواد اولى واللى طالع بيه من إعدادى
أنا أطالب بأقصى العقوبة على كل الآباء والأمهات كمان
مزنقين عليا فى المصروف يادوب بيدونى الفين جنيه فى الشهر يعملو إيه دول
والله ما يكفونى سجاير كلوباترا
وكمان مش عاجبهم النتيجة مش مقدرين الظلم اللى باشوفه فى الكلية وما
بيصدقونيش
لما احلف لهم انى كنت باذاكر وان الدكاترة مستقصديننى عالم ظلمة ظلمة
الاقيها من الكلية واللا من البيت حرام والله
مونى وكمان سايبينك لوحدك المفروض يقدرو ده
لا
ده هى دى الحسنة الوحيدة اللى عاملينها انهم مريحينى من قرفهم طول السنة
بس مشكلتى فى شهرين الصيف مش طايقهم تهزيىء فى الرايحة والجاية
وعدم ثقة وحرمان من كل الفسح ليه ده كله اومال لو كنت بأشم هروين كانو عملو
إيه
خالد الدور عليك
إبن رجل اعمال معروف لا يرى اباه تقريبا يعلم ان اباه له علاقات متعددة غير والدته
اللحظات القليلة التى ياتى فيها الاب للبيت تكون كجهنم الحمراء على كل من فالبيت
ولذلك فهو يؤثر عدم التواجد فى البيت دائما خالد غير محروم من شىء اطلاقا وهو طالب بالجامعة الامريكية
ينجح كل سنة وهذا العام سيتخرج
الاباء عايشين حياتهم بالطول والعرض ومابيفكروش فينا ابدا عمرى ما حسيت ان لى
اب يسالنى حتى بتروح فين
واللا
تيجى منين حتى لو ابات برة البيت
مونى احمد ربنا ده ابوك ده راجل دماغ ياريت كل العالم زيه
لا طبعا انت ماجربتش الاحساس ده انا ساعات باعمل الغلط عشان الفت نظره ولو
حتى يضربنى
وهو ولا هنا ابويا ده قلته احسن بسببه امى فى عكننة مستمرة كل همها تعرف راح فين ومشى مع مين
مش
فاضيالنا خالص والله لو انحرفت انا واللا اخواتى يبقى عندنا حق
أبو تمرة تامر 19 سنة طالب بكلية الطب بينجح كل سنة دور تانى رايح تالتة السنة دى
والده أستاذ بكلية التجارة ليس غنيا ولكنه معتدل فى المصاريف ورجل عصامى جدا
انا بقى عكسكم تماما ابويا هوووووووومى جدا من الكلية للبيت ومن البيت للكلية
طول اليوم قاعدلى فالبيت
معندوش مانع يتكلم معايا بس دايما يحسسنى انى هايف وتافه
كل حاجة يقوللى وانا فى سنك كنت باشتغل وانا بادرس وانا فى سنك كنت شايل هم اخواتى
وطبعا مش حاحكيلكم عن الزنقة فى المصروف كل حاجة يقيسها بزمان
اقوله 20 جنيه يقوللى وانا فى سنك كانت العشرين جنيه دى تفتح بيت
عاوزنى اخرج معاهم خروجات عائلية كل ما يكونو رايحين فى حتة لازم ابقى معاهم
خروج لوحدى مع اصحابى لازم تحقيق هم مين واهلهم مين وترجع الساعة كذا
الصراحة ساعات احسدكم على اللى انتو فيه ياريتنى قاعد لوحدى زيك ياعمدة
واللا ابويا هياس زيك يا خالد
تكهرب الجو قليلا لما جاء الدور على حكيم
عبد الحكيم والده متوفى منذ كان فى العاشرة والدته ليس لها غيره عمره الان 17 سنة
نجح فى الثانوية العامة بمجموع يؤهله لدخول كلية
العلوم
طبعا انا معاكم ان الاباء حقنة بس والله لو جربتم ان الام تبقى ام واب
هتلاقوها بقت حقنة اكتر من اى اب
هتجربو
القلق والخوف والرعب ومحاولات السيطرة انا مخنوق يا اخواننا
كل حاجة تقوللى انا وقفت عمرى عليك انا باعمل عشانك انا انا وبتصعب عليا بس
هاعمل ايه
مش
معقول هافضل طفل كده لازم اكبر ويبقالى عالمى
طأ طأ الجميع رءوسهم وقد تضاءلت مشاكلهم امام مشكلة عبد الحكيم
الدور عليك انت يامونى بعبع ده انت مطحون طحنة بنت لذين
انا ابويا مؤمن بنظرية الكرباج كل ما تحصل حاجة قبل اى كلام يربطنى فالكرسى
وهات ياضرب
لحد ما هو يتعب من الضرب على الدراسة ضرب على التأخير برة ضرب
على
كل حاجة الضرب هو الحل بالتأكيد هو فاكر انه كده بيربينى بس الحقيقة ان انا
باكرهه فعلا باكرهه
اخوانى يجب ان نقف فى وجه الديكتاتورية والطغيان ونتمرد على هؤلاء الاباء
الظلمة
مفيش مواعيد للخروج والدخول مفيش اسئلة مستقبلنا محدش له دعوة بيه مفيش ضرب
المصروف زى ما إحنا عاوزين وإلا
وإلا إيه ؟؟؟؟؟؟؟؟
فى تلك اللحظة رن موبايل مونى
رد مونى امتقع وجهه نزلت الدموع من عينه طيب انا جاى؟
والدى يا جماعة عمل حادث و.........ماااااااااااااااااااات
ياترى يا مونى ياللى بتكره بابا هتعمل إيه فى عالم من غير بابا
