فرخ نونو

كان فيه مرة فرخ نونو
لسه بيفتح عيونه
فرخ ساكن جوه بيضة
بيضة ساكنه حضن ماما
لما جه موعد خروجه
مامته قالت
مش هاخلى شىء يحوجه
فرخنا اذن وكبر
مامته قالت
يابنى لسه لما تكبر
قال يا امى ليه تحوشينى
خاطرى عندك شجعينى
فرخنا رفرف يطير
بس ريشه كان حرير
مامته خافت مامته قالت
يابنى عود
قال ياماما لا خلاص
صرت قادر ماتقوليش بقى عنى نونو
ده الصغير فتحت للنور عيونه
قلب ماما وراه يرفرف
وفرخها طاير يرفرف
وبجناحاتها تحت منه
وبعيونها بتناديه
يكفى يابنى عود لحضنى
والله ما تستغنى عنى
لا يا امى
مهما طرت برضو فرخك
دفء ريشك جوا حضنك
بالقى دارى او قرارى
بالقى نفسى يوم ما باتعب
مهما طرت فالعلالى
عينى بتشوفك قبالى
دعوة مش هاستغنى عنها
اه يارب احفظ لى فرخى اصل فرخى لسه نونو

-----------------------------------------

تعليق من الدكتورة الشيماء

فرخكم كبر وادن ....
وع الدعا بكر وامن...
ومن جنود الله بقى...
وللجهاد رايح يوطن...


فرخكم اسد يحارب..
للزمن و مبقاش يوارب...
وبكتابه وبشبابه...
بقى في ميدانه محارب...
جمدي قلبك حبيبتي...
وابقي خنساء الزمن دا...
واعرفي انك غرستي
غرسة حلوة ...
في امان الله تواظب...