لبيك اللهم لبيك
خواطر حاج فى الوقت الضائع
اخيرا الباسبور والتذكرة فى ايدى على اخر لحظة كنت تقريبا بدات اياس
وضعت شريط عن الحج فى السيارة فى طريق عودتى للبيت
استوقفنى شيء خللانى اعيد سماع الشريط عدة مرات
مطلوب منى رد مظالم الناس قبل سفرى وطلب السماح من الاقارب والمعارف
روحت وانا الدنيا تلف بى
اى مظالم
وهاحسبها ازاى
واعرفها ازاى
ده الواحد ياما ظلم ناس
جلست فى غرفة لوحدى ومر امام عينى شريط حياتى يا إلهى اعمل ايه فى كل ده
غيبة نميمة ظن سوء ظلم لناس اتعاملت معاهم
طيب يعنى ايه اطهر مالى عمرى ما شعرت فى لحظة ان مالى ممكن تكون فيه شبهة حرام
ادينى ماشى بقوانين السوق وباعمل زى غيرى
مسكت الموبايل وطلبت كل من اعرفهم سامحنى يافلان
طيب والناس اللى ماتو والناس اللى مش هاعرف اطولهم
يااااااااااااااااه يارينتنى عملت حساب اللحظة دى :-":-"
جلست وسط المهنئين من زوارى ومودعى وانا فى عالم تانى وفجاة قمت كمن لدغه عقرب
اتصلت بالموبايل بسكرتيرى
كل من له شيك سدده حالا
بس سعادتك قلت امبارح اللى تقدر تؤجله اجله
لا زى ما بقوللك واتاكد ان الرصيد كافى لسداد كل ماعلى من شيكات
اللى تشوفه يافندم
جلست مطمئنا ولكن القلق مازال يراودنى
طلبت دار الافتاء
ممكن اعرف لو انا ظلمت حد ومش عارف الاقيه او مات مثلا ارد مظلمته ازاى
جاء الرد ان كانت مظلمة مادية تردها لورثته وان كانت مظلمة معنوية تردها
بالدعاء والاستغفار له
ويحكم الله بينكما يوم القيامة
اه من حكم يوم القيامة وتذكرت قول الله
ياليتنى قدمت لحياتى وانهمرت دموعى
المهنئين سعداء دى دموع الفرح ياحااااااااااج الف مبروك
واللى يبشرنى دى دموع التوبة ابشر بالقبول يا حاااااااااااااااااج
اه لو تعلمو دى دموع الندم والندم اول خطوة للتوبة
اه لو تعرفو يامن حولى انكم ممكن تفقدو كل حسناتكم بكلمة فى حق فلان
اوعلان
كله يلحق نفسه ويستسمح الناس قبل ان يقام الميزان
وبعضهم لا (اللى هيروح على المدينه)زيي
لبيك اللهم لبيك سمعتها وانا باتاهب لدخول المطار هزت وجدانى صوتهم وهم
بيقولوها والبعض بيبكى
مش قادر حتى منظر المحرمين يشعرك بالنقاء ومتعرفش تفرق بين الغنى والفقير
الكل متجرد مقبل على ربنا
قلت معاهم لبيك اللهم لبيك
ولكن هل فعلا انا لما نادانى ربنا لبيت
لا والله انا اتلكعت كم مرة يكون عندى استطاعة للحج وماحجش
حتى لما فكرت فى الحج اخترت اقصر رحلة علشان اشغالى متتعطلش كل حاجة كان لها
اولوية عن الحج
قلت لبيك للزواج وهو اولوية ولكن الشبكة كانت قدر تمن الحج مرتين
والفرح كانت مصاريفة قدر تمن الحج ليا ولزوجتى
قلت لبيك للشقة الفاخرة والفيديو والدش والكماليات
قلت لبيك لحفلات اعياد ميلاد اولادى
قلت لبيك لان الف الدنيا باولادى فى رحلات سياحة
قلت لبيك لتجهيز بناتى ومن قبلها لمدارسهم الامريكية
وفى الاخر خاااااااااااااالص وبعد كل ده قلت احج بس علشان كان شكلى بايخ انى
وصلت للسن ده ومحجيتش
جوزت الاولاد وحققت ذاتى فى عملى
ولفيت الدنيا وباقى برستيجى انى احج
لا انا ما استحقش انى البى مع اللى بيلبو
دموعى تنهمر وانا اعانق اولادى ومودعى
اسال نفسى اولادى اللى انا اخرت فرض ربى عشانهم لو جرالى حاجة قبل ما احج حد
فيهم هيفكر يحج عنى
حد هيعمل حاجة توصل لى فى قبرى
وجدت نفسى دونا عن الناس بادخل المطار جرى وباقول
وعجلت اليك رب لترضى
خلصت اجراءاتى وانا استثقل الثوانى عاوز اؤدى فرض ربى اول مرة احس بمعنى لبيك
اللهم لبيك
ربنا بينادى على من يوم ما بلغت من يوم ما استطعت
وانا لسه قايم اقول لبيك دلوقتى يااااااااااااااااه ده انا وحش قوى ياترى
يارب هتقبلنى
دموعى تغسلنى
جاء موعد الطائرة ولم ينادو عليها ذهبت اسال وكان الرد
| اغلق المطار لسوء الاحوال الجوية |
وانهرت فى بكاء كالطفل الصغير لاااااااااااااااااااااااااااااااا
انا بالذات لازم اسافر انا اتاخرت كتير يارب اقبلنى بأه يارب
عجلت اليك رب لترضى ياااااااااااااااااااااااارب طالعة من جوايا
|
بدأ الواحد نفسيا يتعب ودخلت في مود لا تتخيلوه .. راودني احساس يقول :- ان انت لا تستحق ان تذهب لزياره بيت الرحمن ولا لزياره مسجد خير الانام وكأن من جوايه حاسس ان ربنا مش راضي عني عشان كده مش عايزني اروح ازور بيته الاحساس ده كان بيمزقني كل ما افكر فيه .. وكل ما يجي علي بالي ... وكنت ابكي واناجي ربي .. اقل له يا رب تطردني وانت الكريم .... بئه انا عايز ازور بيتك وانت
مش عايزني ادخله ؟؟؟؟ يا رب قلت في كتابك انك تقبل التوب ... انا باتوب اليك اقبلني بئه ... |
شيخ صالح جمعنا وخطب فينا
| ان فينا من قد يحتاج الى توبة نصوحة حتى يقبلنا الله وتتم رحلتنا كل واحد يجدد نيته يا اخواننا ويتوب |
قمت فى هستيريا انا انا يا عم الشيخ انا العبد المفرط انا اللى اخرت فرض ربى
انا وهدانى الشيخ يا اخى لم اقل هذا ليفضح احدنا نفسه كلنا هنقوم ونصلى ركعتين ونتوب لرب العباد
ونبتهل وندعو لعل الله يفرجها
وقد كان وصلينا وابتهلنا وغسلتنا دموعنا وهانحن على مشارف بيت الله ومسجد
رسوله الكريم
يا حبيبى يارسول الله
|
نمت في الطريق قليلا .. وبمجرد ما ان اوشكنا علي المدينه افقت ..فرحا
... مسرورا لدنو ميعاد المقابله ... المدينه يا جماعه مكان غير اي مكان ممكن تدخلوه ... مكان بسيط جدا ... بيدار باقل الامكانيات .. بس وانت داخل ترفع شعار ... البيت بــــــــــــــــيتك او ادخلوها بسلام امنين ... او لم يدخلوها وهم يطمعون .... مدينه هاديه .. جميله .. ماتحسش فيها بغربه .. راحه نفسيه علي اعلي ما تتصور... . واحنا ماشيين برمي بنظري شفت ايه ؟؟؟ شفت ايه ؟؟؟؟ |
ذ
