قريبتى مرمر صغنونة (بالنسبة لى)فى ال20 من عمرها

 محجبة حجاب البنطلون الضيق والإيشارب والقصة والماكياج

 نصحتها فى المرات القليلة التى التقينا فيها ولكنها تعتبرنى دقة قديمة

لم أرها منذ سنة تقريبا .
منذ عدة أيام إتصلت بى مامتها مستغيثة إلحقينى يا حبيبتى .
-فيه إيه.
-مرمر إتخطبت من كام يوم ولسه حاننزل نشترى الشبكة بكرة
-الف مبروك وماله.
-البنت مش راضية تشترى الشبكة . قننبلة
-ليه.
-قال إيه عاوزة تتبرع بيها لفلسطين. إسسعاف
-مرمر الله.....من إمتى الحلاوة دى.
-لا دى مرمر إتغيرت خالص عاوزة دلوقتى العبايات والطرح الكبيرة

 وخطيبها مشجعها على كده.
-وموضوع الشبكة ده إيه رأيه فيه.
-بيقول لها دى حاجة ترجع لك.
-خلاص سيبيها تعمل اللى يريحها. تويت
-حاتكسفنا قدام الناس الناس حتاكل وشنا ......عروسة من غير شبكة ؟

عشنا وشفنا.
-إدينى مرمر أكلمها إيه الحلاوة دى يامرمورة ربنا يثبتك

بس المعقول معقول ياعسولتى.
-ياطنط خليكى معايا وشجعينى. حنا للسيف
-طيب إيه رأيك نقسم البلد نصين .
ولا نص واحد.
-خلاص ريحى بابا وماما وإشترى الشبكة وبعدين إبقى تصدقى بيها.
-المشكلة إن بابا وماما عاوزين شبكة ألماظ خاتم واحد وحلق ب 12 الف جنيه

عشان مركزنا الإجتماعى لو بعتهم حأخسر فيهم النص ده يرضى ربنا

والناس بتندبح ياطنط.
-والله غلبتينى يامرمر طيب إسمعى إيه رأيك إعملى ِشبكة تقليد

إلبسيها وإتبرعى بالمبلغ زى ما إنتى عاوزه ولا من شاف ولا من درى.
-وصدمتنى مرمر قالت فى ثبات :
-كلكم بتفكروا فى المظاهر ياطنط أنا وخطيبى عاوزين نكون قدوة لكل معارفنا

وأصحابنا حأعمل حفلة متواضعة فى البيت ومش حألبس شبكة

 وحأعلن لكل الحاضرين إن فرحتنا فى جائزتنا عند ربنا مش فى المظاهر الكدابة.

-من بين دموع فرحتى بيها قلت ربنا يثبتك ويوفقك يامرمورتى.
-خطفت والدتها السماعة وصرخت انا بأكلمك تعقليها تقومى تشجعيها.
-سيبى البنت وخطيبها دى فرحتهم وربنا يثبتهم.
غلبتينى يامرمورة