حوار المساطيل
وبعد يومين من عرض خبر محمد الدرة
المكان قهوة ليالى الحلميه :o
الزمان الساعة التاسعة مساء
يتصاعد الدخان الازرق حتى يكاد يزكم انفى
وتتصاعد غمغمات المساطيل المختلفة
اكاد افقد الامل فى نصر لهذه الامة وفيها مثل تلك النماذج
أتابع نشرة الأخبار :o وفجأة وفى اثناء اذاعة خبر عن زيارة بيريز لمصر
تتصاعد اصوات المساطيل كالتالى:
مسطول1:هو مين اللى مع ابن ال...(يقصد بيريز) ده.
مسطول2:ده الريس بتاعنا باين كده.
مسطول 1:انت عايز تطير القرش اللى معمر بيه نافوخى
بص كويس انت اللى باين عليك تقليت العيار حبتين.
مسطول2:ولا يا دقدق تعال هنا يا والا مين اللى فى التلفزيون دول.
دقدق:ايوة يامعلم دا ريسنا والريس بتاع اسرائيل ولا مؤاخذة.
يطيح المسطول1 بالشيشة والترابزة اللى قدامه ويصيح:أيوووووووه يا جدعان
الريس ال........يدخل ال......إبن ال......ويسلم عليه ويتمشى بيه
هنا واحنا قاعدين
دا إحنا نبقى.......ولاد ......لو قعدنا ساكتين اللى فيكم مش.....يقوم
معايا.
مسطول2:على فين بس يا مزاج حتبوظ التعميرة المتكلفة.
مسطول1:تعميرة ايه يا جدع هم خللوا فيها تعميرة دول طيروا القرش من نافوخى.
مسطول 2:ماهم طول عمرهم كده أمال احنا فى الهباب اللى احنا فيه ليه؟
عشان ننسى .اقعد بس ياراجل وشد لك نفسين عشان تنسى.والا يادقدق.
دقدق :ايوه يا معلمىىىىىى.
مسطول2:واحد شيشه هنا لعمك سيد وزود التعميرة.
وشوف لنا حاجة فى التلفزيون تعدل المزاج بدل النكد اللى انت مشغله ده.
دقدق:حاضر يا معلمة .وعندك واحد شيشة واتنين فيديو كليب لزوم النعنشه
وصلحواااااااا.
وسلملى على الانتفاضة.
انتهى الحوار وادركت ان الخير فى الامة وان التقصير منا
فهؤلاء بحاجة فقط امن يأخذ بأيديهم ويدلهم على الطريق
وقد كان الامام حسن البنا عليه رحمة الله يدعوا رواد القهاوى
ولم تقتصر دعوته على رواد المساجد.فهل من مجيب
