ايوة ياسيدى مادام انا بارد عليك يبقى اتصلح

اولا انا انسه مش راجل وبعدين بتزعق ليه ده بدل ما تقول متشكرين

خلاص ياستى حقك عليا متشكرين

قفل السكه وقطع السلك باسنانه ليتاكد ان التلفون مش هيرن تانى:shak:

وعاد لمحاولات النوم المستميته

بعد ربع ساعة رننننننننننننننننن جرس الباب

عثمان البواب

عاوز ايه يازفت
الست فكيهة اللى فى الدور الرابع عتجول لك لم الغسيل عشان هى عاوزة تنفض لا مؤاخذة السجاد

افرض انى مش فى البيت

يابيه قد اظعر من ازجر (قد اعذر من انذر)

الست حرمكم المرة اللى فاتت دبت خناجة لرب السما من تحت راس المودوع ده

انا بلغتك وعملت اللى عليا

تذكر شحيبر ما فعلته زوجته وهى تردح للست فكيهة لما نفضت السجاد على الغسيل

 وكيف انه طلعها من الحجز بكفاله لانها فتحت راس الوليه وجوزها وبنتها

طلع شحيبر ولم الغسيل بمنتهى الجنتله

وعاد شحيبر يحاول النوم لاعنا اليوم اللى مش فايت ده

ياترى شحيبر هينام ده اللى هنعرفه بكره

لم تمض 10 دقائق على محاولة شحيبر النوم حتى حدث
ززززززززززززززززززززززززززززززززززز
صوت رهيب يخرم الودان

فزع شحيبر ولكنه ادرك بعد انفهاش ان هذا هو صوت شنيور الومنيوم

هو يعرف هذا الصوت جيدا (حد جربه)

جرى على البواب انت يازفت يا عثمان

مين اللى مشغل شنيور الامونيا

ده مخيمر بيه يا بيه اللى فى الشقة اللى فوقيك بيركب ا لامونيا للبلكونة

قولله يبطل دلوقتى عاوز انااااااااااااام


يابيه ماهو كان عيشتغل بعد الضهر بس حضرتك اللى جلت له يشتغل الصبح

عشان الناس بعد الضهر ترتاح
والرادل واخد اجازة من شغله مخسوس عشان يخلص الشغلانة ديه
اه صحيح

(شحيبر عمل محضر ازعاج لمخيمر بسبب هذا الموضوع)

حاول شحيبر التاقلم مع الزززززززززززززززز اللى شغال بيخرم فى جتته
ولكن جرس الباب لم يمهله

نعم

: سباح الخير

وعليكم افندم

انا مندوبة من كناة اوربت الفدائية

ممكن اسال حدرتك كام سؤال

هم بان يغلق الباب قائلا معنديش هباب دش

ما انا عارفة

احنا هنتكلم بردو كده على الباب

قالتها وهى تهم بالدخول

ارتبك شحيبر مع حنيتها الزائده

بس اصل المدام مش هنا

ما انا عارفة بردو

معايا زميلى

خلاص طار النوم من عين شحيبر

لمح النتيجة على الحائط فقفز من مكانه

يا خبررررررررررررررررر


ايه اللى افزعه فى النتيجة وهيعمل ايه بكرة نعرف دى اخر حلقة اوعى حد ييجى

ظر شحيبر فى النتيجة وقام فاززا فززانا مستفزا

اليوم هو 29 فى الشهر اليوم قبض المرتب

وكمان ايه الدور عليه فى الجمعية

شحيبر داخل جمعية على 20 شهر يقبضها اخر واحد والشهر ده موعده لو ملحقش الحوش زمايله

 قبل مايروحو بمرتباتهم مش هيطول منهم حاجة
 

ده لازم يروح ومعاه اتنين بلطجية عشان يطلع فلوسه من حبابى عينيهم

لبس شحيبر بسرعة وقفز فى اول ميكروباظ وفوجىء انه فاضى وادرك ان

حشرته كل يوم الصبح فى وقت الذروة هى سبب تعاسته وتمنى لو نزل كل يوم فى هذا الموعد بدل قلة القيمة

من الميكروباظ الى ميكروباظ اخر هو الان امام مقر عمله

ولكن الساعة لسه 11 الظهر ادرك ان امامه حوالى ساعة قرر ان يجلس على القهوة المقابلة لعمله (فجر بقى)

شحيبر يوميا كان ينظر بحسرة الى عشرات الجالسين على القهوة لا شغلة ولا مشغلة ويتمنى ان يجلس جلستهم مرة من عمره
 

دخل شحيبر الى القهوة لم يكن مظهره يدل على انه من النوع اللى بيدفع

مما حدا بالقهوجى الى ان يغنى بصوته الجحشاوى:

اللى هيدفع راح يقعد واللى مايدفعشى يبعد تن تن

لم يكد شحيبر يجلس حتى دخل كومة من الناس يحملون سيدة تجاوزت الستين من عمرها

وتعالت الاصوات شوية ميه يا جماعة الست بتفرفر

اسعاف ياناس اسعاف ياخلق

وسع يا استاذ خللينا نمدد الست هنا هووا عليها ياجدعان

اتشاهدى ياست قولى اشهد الا اله الا الله

تتمتم الست بكلمه واحده شحيبرر منه لله شحيبر

صرخ شحيبر اناااااااااااااااااااا

نظر اليه الجميع نظرة تشلخ العبير من حنتيته

ادرك شحيبر انه ليس من الحكمة ان يعلن انه شحيبر والا اكل علقة لم ياكلهاارهابى فى امن دولة

اكمل شحيبر مستطردا اناااااا ماعرفوش فيه حد فى الدنيا يبقى اسمه شحيبر برضو


جثا شحيبر بجوار الست وهمس فيه ايه ياحاجة ماله شحيبر

رفعت يدها بورقة ولم تستطع ان تكمل كلامها وراحت فى غيبوبة

 
 

نظر شحيبر للورقة فى يد السيدة العجوز واختطفها فى انزعاج

انتهز فرصة انشغال الناس بتفويق الست وانسل من بين الجمع

الورقة تنتمى الى المصلحة التى يعمل بها

انها باقية على توقيعه هو وبعدها تستطيع الست ان تصرف معاشها اللى يتضح من الورقة انه منقطع من حوالى سنة

قفز شحيبر السلالم لمكتبه

 مكتب شحيبر فى الدور السادس بدون اسانسي

وصل شحيبر لمكتبه ونفسه مقطوع فتح الدرج بلهفة واخرج الختم وقع الورقة وختمها بين صيحات زملائه

كنت فين ياشحيبر

فيه ايه ياشحيبر

شحيبررررررر لم يلتفت اليهم

نزل جرى وهو يتمنى الا تكون الست قد ماتت

وصل شحيبر للقهوة

مازال الناس متجمعين

لا حول ولا قوة الا بالله

دخل منحشرا بين الناس ودس الورقة فى يد الست

همس فى اذنها اصحى الله لا يسيئك خلاص شحيبر مضالك الورقة

بربشت الست بعينيها وبدات تفيق

تمتمت الهى يارب يكرمك يا ابنى ويجازيك خير انت جبته منين

همس كان فى بيته راحت عليه نومة

نومة وهو معطل مصالح الناس الهى يقلق منامه البعيييييييد

لا الا الدعوة دىىىىىىىىىىى
نسى شحيبر امر الجمعية والفلوس وكل شىء

جرجر قدميه الى مكتبه واجما

وهو يدعو الله الا يكون سببا فى موت السيدة ولا عذاب اى مواطن يوما ما