مدام شحيبر فى رمضان
الحلقة الأولى
خناقة رمضان
اللهم إخزيك يا شيطان
النهاردة أول يوم رمضان
وأنا
كنت ناوية يكون رمضان مختلف صلاة وصيام وقرآن
بس أعمل إيه إمبارح دبيت خناقة مع أبو العيال هاحكيلكم وإشهدو مين فينا الغلطان
شحيبر
:
إعملى حسابك بكرة نفطر كلنا عند ماما
تروحى من الظهر تحضرى الفطار معاها.
أنا
:
وإشمعنى يعنى عند مامتك ليه ما يكونش عند مامتى .
شحيبر
:
هى الأصول كده أول يوم فى بيت العيلة وما تنسيش ان والدتى ست كبيرة والأصول
أصول.
أنا
:
و أنا كمان والدتي لوحدها ولازم ونس معاها عاوزه أتكلم أنا و إخواتي معاها .
شحيبر
:
اللهم طولك يا روح ..
كل
سنه الموال ده قلت عند ماما يعني عند ماما .
أنا
:
و أنا كل سنه باسمع كلامك إسمع إنتى كلامي المره دي .. عند ماما يعني عند ماما
. 
شحيبر
:
هي كلمه بكره الظهر تروحي عند ماما و تحضري معاها الفطار
وهأرجع من الشغل و أجيب الأولاد من المدرسه على هناك
. لو مش عاجبك روحي إنتي إفطري عند مامتك
.
أنا
:
أنا قلت هافطر عند مامتي يعني عند مامتي وأعلى ما في الخيل إركبه .
شحبوره .. شحيبر ...
ونزل شحيبر زعلان
و رزع
الباب في وجهي ...
سامعه الناس بتصلي التراويح لا عارفه أصلي ركعه ولا عارفه أقرأ حرف في المصحف
اللهم إخزيك يا شيطان
و إحنا دلوقتي الظهر أروح على بيت مين
...
ماحبش كلمتي تنزل الأرض ولا أفقد كرامتي .
ترررررن تررررررن
....
آلو
ماما .... بكآء ...
. كل
سنه وأنت طيبه يا ماما .
.
أنا جايه أفطر معاكي النهارده.
ماما
:
وأنت طيبه يا شحبوره ...
و ما
تفطريش عند حماتك ليه يا بنتي زي كل سنه !!
أنا
:
وأفطر عندها ليه ماتلمش معاكم على الفطار ليه أول يوم .
ماما
:
دي الأصول يابنتي خلاص أنتي و جوزك بقيتوا حاجه واحده
و
بقيتي من عيلته ....!
إخزي الشيطان يا شحبوره و قولي اللهم إني صائمه ...
قومي يا حبيبتي روحي لحماتك وجهزي الفطار معاها .
أنا
:
يا ماما بس ...... كرامتي.
ماما
:
مافيش كرامتي بين الراجل و مراته و مامته من يوم ما إتجوزتيه بقت مامتك
إوعي تزعليها يا بنتي هو جنته رضاها و جنتك رضاه .
أنا
:
هاروح يا ماما بس لساني مش هيخاطب لسانه .
ماما
:
تبقي مش صائمه وروحي إفطري مانابك إلا الجوع والعطش.
إستهدي بالله يا شحبوره وراضي جوزك
قومي صلي الظهر ... وجهزي نفسك...
ترررررررن:تلفون
شحيبر
:
آلو .........خير اللهم إجعله خير
ينظر فى السماعة وهو لا يصدق نفسه
شحبورة
:
تحب تفطر إيه عند مامتك ياحبيبى ....رمضان كريم
العزومة
النهاردة يوم عصيب يوم العزومة العالمية أسرة زوجى وأسرتى متجمعين عندنا
النهاردة
شحيبر إدانى فلوس ما تكفيش حاجة.
-شحيييييييييييييبرررررررررررر
*مفزوعا :يافتاح يا عليم يارزاق يا كريم
-فتح مخك معايا وشخشخ جيبك يا حبيبى
*ليه
-العزومة
محتاجة فلوس واللى إديتهولى ده ما يكفيش حاجة
*إعملى
على قد اللى معاكى
-وأنا أبقى أقل من غيرى ليه .مإنتش قد العزايم ما تعزمش
*ياستى
بصلة المحب خروف والمهم اللمة وصلة الرحم
-لأ
أنا مش ممكن أكون أقل من مرات أخويا واللا مرات أخوك
.كانو عاملين أكل يكفى المعازيم 5 مرات .
وأصناف إيه وأشكال إيه والرومى والمحمر والمشمر والمكسرات
*يا
شحبورة كل دى فشخرة كدابة .........على قد لحافك مد رجليك .
-يا
ميييييييييلة بختك يا شحبورة
من دون
الستات ..جوزك عاوز يقصر رقبتك
قدام أهله وأهلك .بأقوللك إيه أنا خلاص مش
هأعزم أهلى بلا قلة قيمة . وإنت حر مع أهلك.
- يا
شحبوره المبلغ إلي معاكي يكفي وزياده من غير إسراف
وكفايه صنف أو صنفين مش لازم 100 صنف
و أكل يفيض ويترمي.
*يا
لهوي صنف أو إتنين بس !!
ليه
شحاتين ؟!!
إسمع أما أقولك إذا ما كانتش العزومه هاتبقى أحسن من العزومة أخوك الجمعه إلي
فاتت
و أفخم يبقى بلاش منها أحسن.
- يا
شحبوره أخويا دخلوا قد دخلي 3 مرات ربنا يديه .
. و فكرك يعني إلي عمله صح أكل كتيير يفيض و يترمي وتبذير ... ده مش كرم ده سفه
..
*ماليش
دعوه لازم نكون أحسن منه .
- يا
شحبوره إعملي أصناف بسيطه و سهله
حتى وفري مجهودك علشان الصلاه والعباده .
*ياسيدي
أنا راضيه بالمجهود علشان مايبقاش شكلي أقل من حد .
-
تضيعي يوم من رمضان قبلها وبعدها من التعب غير يوم العزومه
في سبيل إيه سبيل الفشخره .
.إخص
عليكي يا شحبوره ..
هو ده رمضان إلي كنتي عاوزاه يبقى أحسن رمضان مر عليكي ؟؟
*
أمال إحنا يعني بنعزم الناس ليه ؟؟
- أنا
شخصيا بعزمهم بر_صله رحم_ وإفطار صائمين – وتجمع حلو على الخير والطاعة-
ده غير إنى ممكن أكون قدوة ليهم فى إننا ممكن نصوم
من غير ما نسللى صيامنا مع المسلسلات والفوازير
هييجو عندى يسمعو معانا درس علم وندردش بعد الغطار وننزل
نصللى التراويح وبس . مش كفاية كده
-شحيبر
إنت بتجيب الكلام الكبير قوى ده منين أنا عمرى ما فكرت كده
.طول عمرنا بنعزم الناس عشان نكيد العوازل.
-من
النهاردة لازم يكون تفكيرك كده
وربنا هيبارك وتكسبى ثواب كبير جدا
بدل ما يكون تعبك وعملك لغير وجه الله .والناس عمرها ما بترضى
.قومى ياشحبورة جددى نيتك وأنا هآخد أجازة النهاردة وأساعدك من غير إسراف ولا تبذير
وعلى قد لحافك مد رجليك.
*ياشحبورة إيه رأيك تيجى معايا درس علم فى
المسجد 
-وماله إمتى
*الساعة 12 بعد صلاة الضهر لمدة ساعة
-هنرجع قبل موعد رجوع الأولاد من المدرسة؟
*طبعا إن شاء الله.
-إتفقناذهبت شحبورة للمسجد وجدت كل جاراتها هناك تقريبا سلمت عليهن واحدة واحدة بالأحضان والقبلات وجلست.
إستغرق هذا من وقت الدرس حوالى ربع ساعة بينما الأخت التى تلقى الدرس صابرة عليها فهى أول مرة تراها .
شحبورة ما بطلتش كلام طول الدرس.
نبهتها الأخوات أكتر من مرة ولكنها تلتزم الصمت ثم تعود للكلام
بعد إنتهاء الدرس خرجت مع جاراتها
-إيه رأيك فى الدرس؟
*مش بطال بس مش عارفة الحاجة دى متأنزحة قوى وواخداها جد زيادة عن اللزوم
كأننا فى مدرسة.
-ماهو ياشحبورة الكلام فى المسجد يأكل الحسنات كما تأكل النار الحطب وكلنا
جايين نسمع.
*شفتى العباية اللى كانت لابساها هناء.
-ما أخدتش بالى.
*لأ إزاى دى عباية تهبل طول الوقت وأنا عاوزة أسألها شارياها جاهزة واللا
تفصيل .
-المهم الدرس فهمتى إيه من الدرس.
*إستنى بس خدتى بالك من علا أنا أول مرة أشوفها بعد ما ولدت شفتى تخنت وفشكلت
إزاى كانت عاملالنا فيها غصن البان أول ما إتجوزت .
-ياشحبورة مالناش دعوة بالناس رمضان كريم.
*وهو أنا قلت حاجة لا إغتبت ولا نميت .
-لأإغتبتى يا شحبورة الكلام ده يزعل علا .
*يووووووووه ما تحبكيهاش بقى.
-شحبورة هتيجى الدرس اللى جاى ؟
*والله ما أنا عارفة أصلى ما قلتش لسه لشحيبر
.
-وكمان خرجتى من غير ما يعرف .
*وفيها إيه أنا رايحة الجامع ؟
-لازم يعرف ولازم تستأذنيه فى كل خطوة ما تخرجيش تانى من غير إذنه.
*يووووه دى تحاكيم إيه دى كمان هيقول لى الجامع لأ
-مش لازم يقول لأ .......... بس حسن العشرة يقتضى انه يكون عارف كل حاجة عنك
ولو قال لأعلى حاجة تسمعى كلامه .
*هو الدرس بقى كان بيتكلم عن إيه ما أخدتش بالى
-كان بيتكلم عن حق الزوج على زوجته
*والدرس اللى جاى عن إيه
-عن حق الزوجة على زوجها
*خلاص هآجى وأجيب معايا شحيبر يسمع ...........سلام
المرة دى أنا اللى هأحكيلكو عشان أنا مفروسة من شحبورة وعمايلها
أنا
هناء جارة شحبورة وشحيبر النهاردة 19 رمضان على أبواب العشر الأواخر
-شحبورة
شفتى رمضان جرى بسرعة إزاى النهاردة 19
-آه
والله رمضان ده طول عمره كده يجرى بسرعة 10 و10 و10
-آه
فعلا رحمة ومغفرة وعتق من النار
-مش
قصدى اللى بتقوليه ده ماهى الحاجات دى طول السنة أنا قصدى أمى كانت تقول
عشرة مرق وعشرة خلق وعشرة حلق
-يعنى
إيه
-فى
الأول طبيخ وعزايم وبعدين تجهيز هدوم العيد وبعدين الكعك والذى منه بقى
-والعبادة
وختم المصحف والتراويح
-ماهو
كله شغال مع بعضه حبة كده وحبة كده
-بصى
ياشحبورة العشرة اللى جايين دول مالهومش حل لو ما إجتهدناش فى العبادة فيهم
هتفوتنا ليلة القدر
-لا
ما هو أنا مسنترة نفسى على ليلة القدر هأتفرغ فيها تماما
-ماهى
مش ليلة لازم نلتمسها فى الليالى الفردية من العشرة
-لللللللأأأأأأأأأأأ
دى حاجة صعبة خالص ده أنا ورايا تنفيض وغسيل سجاد والستاير والنجف والحيطان
والكعك والبتى فور .ده أنا حتى لسة ما جبتش هدوم العيال هأقبض الجمعية كمان 3 أيام
ده أنا ماصدقت إن شحيبر قال هينعكف العشر أيام وقلت أشقلب الدنيا
هأنقل أوضة الأولاد مكان أوضتى وأحط الصالون مكان السفرة ...........
-ياشحبورة
إفهمينى ليالى العشرة ماتتعوضش لازم تصلى وتدعى ياترى ختمتى المصحف
-والله
مافاضية أقرأ لكن باسمع
-اللهم
هل بلغت هأمر عليكى ننزل التراويح والتهجد سوا ماتنسيش
-ربنا
يسهل
ليلة 21
-هيه
ياشحبورة جاهزة ننزل التراويح
-أصل
ماما عندى وبنعمل الكعك 20 كيلو ليا أنا واخواتى تحبى أعمل لك معايا
-لأ
شكرا طيب والتهجد؟؟؟؟؟؟؟؟
-أكيد
هأكون خلصانة خلينا بكرة
-طيب
ماتحرميش نفسك من إنك تدعى وراء إمام الحرم واللا مع درس عمر خالد
-إن
شاء الله إدعيلنا بس إنتى
ليلة 22
-هيه
ياشحبورة مش نازلة
-إسكوتى
تعالى لما أفرجك على اللبس اللى جبته للأولاد تحفة وبسعر لايمكن تتخيليه
بس رجليا ورمت من اللف النهاردة ولسة برضو ماجبتش لبس الصبيان هانزله مرة تانية
-مفيش
وقت مرة تانية امر عليكى فى التهجد؟
-مش
انتى قلتى ان القدر فى الليالى الفردية الليلة ليلة زوجية خلينا لبكرة
ليلة 23
غسيل السجاد ضهرها مقطوم
ليلة 24
غسيل الحيطان والنجف
ليلة 25
نقل العفش وتغيير مكان الغرف
ليلة 26
تكملة لبس العيد للصبيان
ليلة 27
هيه
ياشحبورة مش نازلة الليلة ممكن جدا تكون القدر
-ردت
بحزن اسكوتى ياهناء مش ............ (عندها عذر)
طيب
وده معناه إن مفيش عبادة
-هأعمل
إيه يعنى لا قرآن ولا صلاة زى اللى ربنا حرمنى رمضان ده
-لأ
طبعا إستمعى للقرآن وإدعى واجتهدى فى الدعاء واذكرى الله
-ماشى
هأحاول ولو إن كابس عليا النوم جدا
-لأ
إستعيذى بالله من الشيطان إوعى تفوتى الليلة هأمر عليكى بعد التراويح
بعد التراويح مريت على شحبورة بتتفرج على المسلسل
-بتعملى
إيه ياشحبورة
-ما
انا قلت لك عندى عذر
-والعذر
ماله ومال تضييع الوقت مع المسلسل
-ما
انا بأذكر الله وانا بأتفرج أصل المسلسل دى تقريبا أهم حلقة فيه مش عاوزاها
تفوتنى بصى بصى يانهار أبيض
سلامو
عليكو ياشحبورة
أنا تقريبا بدأت أيأس من شحبورة لكن آخر فرصة كلمت جوزى قلت له خللى شحيبر ييجى ينقذ أهل بيته
-شحيبر ياريت تقضى ولو ساعة فى البيت تعين أهل بيتك على الطاعة شحبورة محتاجالك
-لأ
إلا الليلة مش هأفك إعتكافى
-وأمر أهلك بالصلاة واصطبر عليها -البيت محتاجك هتضيع عليهم الليلة
-خلاص
هاطلع بعد التهجد
-بعد التهجد طلع شحيبر البيت يغط فى نوم عميق
-شحبورة
شحبووورة
-إيه
فيه إيه إيه اللى جابك مش كنت منعكف
-أنا
جيت عشان نقعد ندعى سوا الليلة ممكن تكون القدر
-طيب
إدعيلى وسيبنى أنام بقى
-لأ
قومى صحصحى كده وصحى الأولاد نحيى الليلة بالدعاء والتضرع كلنا لعلنا نكتب
من الذاكرين
-يوووووووووه
وكمان أصحى العيال ده انا ماصدقت نيمتهم
-الصبر
من عندك يارب يتذكر قول الله واصطبر عليها فيتحمل
جلس شحيبر يدعو والجميع يؤمن وراءه بين التثاؤب والتململ فقبل الفجر بلحظات سألته شحبورة
فين
بقى طاقة القدر اللى بتنفتح مش شايفة حاجة لا فى السماء ولا فى وشك
إبتسم
شحيبر وقال لأ هى طاقة القدر هتنفتح دلوقتى فى نافوخك
لأ لأ ياشحيبر خليك عاقل أومال حد يحوش ياجدعااااااااااااان
